De Läbdance

Do dech plakeg aus a looss mech dir an d'Séil luussen,
gëff dach zou, mat dëser Kaz géings du dach och am léifste schmusen.
Komm, so wat s de denks, mär sinn ënner véier Aen,
maach wéi doheem, well bei eis däerfs de wierklech alles man.
Schlo de Yuppi zum Beispill oder taxéier de Superjhemp,
check där e Groupie, nee eng Bom, nëmme wéinst hirer décker Rent.
Vu mär aus bréng deng Kaz mat an danz mat hir e Slow,
egal ob déck oder dënn, schwaarz oder wäiss, d'Haaptsaach, mär si frou.
A wisou? Majo eng kleng Session kann net schueden,
alles ass erlaabt - ausser sech schminken ass verbueden.
Hei bléist en anere Wand, dofir genéiss emol eis Bris,
vergiess d'Eva an den Adam, mär weisen iech en anert Paradis.

Dofir looss d'Sau eraus a blär ewéi um Spiiss,
wenzel dech am Bulli, eise Kolleg ass sécher net de wäisse Ris.
Also maach och keen op Meeschter Propper,
schäissegal, wann et erëm reent, oder bass du aus Zocker?
Dréckt de Schong, ma da stréck en emol méi locker,
soss danz Pogo a kräisch dobäi wéi bei den Emorocker.
Weis deng zwou Boulë Mokka a mär wäerten et genéissen,
a wann een dech nervt, kanns du e jo gären op de Mound schéissen.
Fills de dech an denger Bezéiung wéi am Prisong,
setz der Saach en Enn, fill dech fräi an danz mat eis op dëse Song.
Maach tabula rasa a befrei dech vun deem Dauerzoff,
De Läb ass fir dech do a spent der den néidege Sauerstoff.

REFRAIN
De Läbdance,
verbreet peace and love wéi um Woodstock!
Jo, vun eisem Shit kriss d'en héije Bluttdrock.
De Läbdance,
Minetter Jongen um Mikro, dat ass jo kloer.
Allez, d'Hänn an d'Luucht a weist mer w.e.g är Hoer!
De Läbdance,
verbreet peace and love wéi um Woodstock!
Jo, vun eisem Shit kriss d'en héije Bluttdrock.
De Läbdance,
Minetter Jongen um Mikro, dat ass jo kloer.
Allez, d'Hänn an d'Luucht a weist mer w.e.g är Hoer!

Jo, där wëllt mat eis feieren, ma da wëll ech eppes héieren,
well Stëmmung maachen hei am Land heescht net gläich sech blaméieren.
Dofir zitt iech ganz liicht gesot de Bengel aus dem Hënner,
a loosst iech verféiere vun eise schaarfe Mënner.
Well mär representéieren am Fong nëmmen är Gedanken,
an eisen Hiphop mécht duuschtereg, dofir fänkt mol un ze tanken.
Ee Promill, zwee Promill, jo fill dech mat eis fräi,
a bass du ganz geléist, da bass du beim Läbdance dobäi,
looss dech goen, putain, hal op mat deem Gejéimers,
well och an der schlëmmster Nout bleift De Läb däin Entertainer.
Egal ob Texter, Freestyle oder einfach nëmmen Party man,
dës dräi zackeg Borschte ginn iech alleguerten d'Kan.

Netz mat enger Goldenshower d'éiweg Flam,
a well s de schonn an der Géigend bass, klau och nach d'gëlle Fra.
Wull der an der Nues a sprang wéi als Kand an all Pull,
schäiss op de System an hannerlooss dem Heng virum Palais eng Strull.
Sträich d'rout Bréck elo rosa un, d'Prosa ass drun,
bei eis ass jo alles sou wonnerschéin an verlunn.
Bass de midd dovun an hues eng Aarbecht, déi dech stresst,
den Dr. Fluit réit der: Géi heem a krop der en Attest!
Dëst ass eist Fest, wou mär am Alldag no Vakanz sichen,
weist all äre Mëttelfanger a loosst eis un der Fräiheet richen.
Danzt op den Dëscher, un der Staang oder am Käfeg,
et ass elo Paarungszäit, also gitt emol méi leefeg!

REFRAIN
De Läbdance,
verbreet peace and love wéi um Woodstock!
Jo, vun eisem Shit kriss d'en héije Bluttdrock.
De Läbdance,
Minetter Jongen um Mikro, dat ass jo kloer.
Allez, d'Hänn an d'Luucht a weist mer w.e.g är Hoer!
Refrain