Panawagan

Mundong tigang, uhaw sa kapayapaan
Laging nagtitiis, madilim na kalagayan
Lantang lakas, tinatago ang pag-asa
Ang gusto't gawa di maitugma

Ako, ikaw, sila, saan tayo lalandas
Ganito na lang ba tayo hanggang wakas
Paraisong pinangarap nawawala na
Saan na ba tayo papunta

Koro:
Bakit di natin isigaw
Na may pag-asang naghihintay
Pangarap mo para sa mundo
Wag mong patuloy na itago

Koda:
Di na natin kailangang lumayo pa
Di na rin natin kailangang magtago